منتديات ريحانة القلب


    طئطئة البراغي

    شاطر
    avatar
    ldeny_ana
    مراقب سابق
    مراقب سابق

    الابراج : الثور
    الجنس : ذكر
    عدد المساهمات : 2214
    العمر : 24
    الموقع : بالكسوة
    العمل/الترفيه : حوليكن شغل؟؟؟؟؟
    مزاجي العام :
    تاريخ التسجيل : 29/10/2009
    أعلام الدول : سورية
    المهنة :
    مزاجي اليوم : مــــعــــكـــــر
    الهواية :
    تاريخ الميلاد : 01/05/1993


    وسام التميز

    طئطئة البراغي

    مُساهمة من طرف ldeny_ana في الإثنين فبراير 22, 2010 6:15 am

    مين فينا ما سمع عن طقطقة البراغي باللهجة السورية ؟؟؟؟

    مين فينا ما عمرو طقولو برغي طلع من راسو؟؟؟؟ طيب عمرك فكّرت شو معنى البرغي...البرغي باختصار: هو ضحك بالوجه ومن وراك بيحكي عنك للمسؤول بكلام صحيح أو كذب وإنتا بتضحك وبتلعب ومش عارف شو بيصير ورا ظهرك....

    أنواع البراغي؟؟؟؟
    البراغي أنواع عدة نذكر أشهرها، حاول تراجع البراغي اللي أكلتها بحياتك واللي إنتا ضربتها وشوف بتنتمي لأي نوع:

    البرغي الموجّه
    -----------------------
    ويتكون هذاالبرغي من رأس أحادي يكون موجّه إليك مباشرة من عدوّ لك بالشغل متربص فيك ومستنّي الفرصة وإنتا من شطارتك أعطيته الفرصة فطقلك برغي محترم


    البرغي الجماعي أو – ملتي برغي
    ----------------------
    وهذا من أقوى البراغي ويكون مفعوله شديداً وبكون مجموعة من الموظفين بيضربوا موظف واحد... برغي من الآخر عند المدير... وطبعاً لإنهم جماعة المدير راح يعتبر إنهم صح وإنتا غلط..


    برغي متعدد الاتجاه أو – ملتي دايركت برغي
    -----------------------------------------------
    ما بحافظ على مصلحة الشغل وإنو ضد مبادئ الإدارة وبالجملة بتلطشلك خمس ست موظفين بالمعيّة مش عاجبينك وشايف إنهم ممكن يضرّوك، وهذا يعتبر من أذكى البراغي لإنك ضربت عشر براغي بحجر واحد...


    برغي الرحمة
    -------------------
    وهو برغي نادر تطلقه بحالة تشوف صاحبك تعبان من الشغل ومش عاجبته الشركة والموظفين بيعطوه شغل كتيير فوق طاقته والأخ ممكن من الضغط يروح فيها...فبتروح حضرتك عند المدير وبتلعن سنسفيل أبوه لصاحبك حتى يقوم المدير ويقدم فيه عريضة ويكحشو وهيك بتكون إنتا أطلقت عليه رصاصة الرحمة وخليته يقعد بالبيت معزز مكرم...


    إن د******كت برغي
    -----------------------
    وهو من أقل البراغي فاعليّة يصدر من واحد قرفان زهقان عندو مبدأ عليّ وعلى أعدائي وبروح على المدير وبدال صباح الخير بحكيلو: 'إنتا لو بتضبّ موظفينك بدل ما إنك قاعد ورا الكرسي، ولك شوف شو عم بصير…' وبتصير تسلخ شمال يمين وإنتا مو عارف ليش أو مين بس كل هدفك تفش غُلّك وطبعاً ما تتوقع الشباب حيسيبوك بعدها لإنك لكشت الكل وما إلك صاحب...


    ريفيرس برغي
    --------------------------
    وهو من أغبى البراغي يصدر من إنسان غبي تافه معوّق طافي رايح يدق صاحبه برغي بلاقي حالو إنه دق بحاله برغي !!! مثلاً بتحكي للمدير: 'ترى خالد طول نهارو بدخّن بالشركة (وطبعاً الدخان بالشركة ممنوع) والمشكلة إنّو دايماً بتسلبط عليّ وبدخن من بكيتي.....'


    برغي طويل المدى
    -------------------------
    وهذا البرغي لا يطلقه إلاّ الخبثاء وهو على دفعات وقليل الجرعة بتضلّك تزت براغي صغيرة ومع الوقت بتتجمع عند مديرك إنو فلان الفلاني عليه مشاكل كثيرة ولازم نأدبو وهيك إنتا بتكون كإنك ما عملت إشي – تراكمات يعني – وهادا برغي مضمون النجاح وقد أثبت فاعليته عند الشباب الطيبة


    برغي موجّه بالأقمار الصناعيّة
    -------------------------------
    وهذا البرغي ما إلو علاج ولا مضاد حيوي لإنه برغي من شخص واصل من فوق فالأفضل تاخد حذرك من هيك أشخاص عشان تضمن حياة سعيدة هانئة بشركتك



    ومثل ما إحنا شايفين تختلف البراغي بنوعها وتأثيرها، بس من خبرتي إنو راح ييجي يوم أسود عليك تنردلّك كل برغي ووقتها حتبكي دم على براغيك القديمة ولو سألتني بحكم خبرتي البسيطة


    1-عليك بتناول الكثير من فيتامين الوقاية 'فيتامين واو' (الواسطة) لإنها بتشكل جهاز ردع ضد طقاقين البراغي

    2-عليك بالإكثار من الحذر والخبث والتحفظ.....ممكن ذلك يخفف فقط ولو إنو البعض يشكّك في ذلك ويقول: وداوِها بالتي هي الداء....
    يعني طقلو برغي فيه الصبح قبل ما يطقلك برغي فيك المساء

    3- إمشي الحيط الحيط ودايماً إحكي حاضر ....ولا تحكي لأ....ومع ذلك برضه بدو ينطقلك برغي مش بكيفك مكتوب عليك

    4- كل يوم صبّح على مديرك وإسألو: آه شو الأخبار؟ إن شاء الله ما في أولاد حلال حكولك شو حكينا عنك مبارح؟؟؟
    avatar
    ♥sohaeb.nsb♥
    مرشح للإشراف
    مرشح للإشراف

    الابراج : العذراء
    الجنس : ذكر
    عدد المساهمات : 825
    العمر : 23
    الموقع : ♥♥أين قلبي♥♥
    العمل/الترفيه : ♥♥أين قلبي♥♥
    تاريخ التسجيل : 31/10/2009
    أعلام الدول : سورية
    المهنة :
    مزاجي اليوم : ؟؟؟؟؟
    الهواية :
    تاريخ الميلاد : 17/09/1994

    وسام التقدم

    رد: طئطئة البراغي

    مُساهمة من طرف ♥sohaeb.nsb♥ في الثلاثاء مارس 09, 2010 11:32 am

    مشكور
    avatar
    slmoooo

    المــديــر العـــام


    المــديــر العـــام

    الابراج : العقرب
    الجنس : ذكر
    عدد المساهمات : 5658
    العمر : 29
    الموقع : مجرة درب التبانة\المجموعة الشمسية\الكرة الارضية\قارة اسيا\سوريا\ ريف دمشق\الزبداني \الحارة الغربية
    العمل/الترفيه : صاطلها وماشي على كيفي
    مزاجي العام :
    تاريخ التسجيل : 04/08/2009
    أعلام الدول : سورية
    المهنة :
    مزاجي اليوم : مريض نفسيا
    الهواية :
    تاريخ الميلاد : 27/10/1987


    الأدارة

    رد: طئطئة البراغي

    مُساهمة من طرف slmoooo في الثلاثاء مارس 09, 2010 12:56 pm

    برغي طويل المدى
    -------------------------
    وهذا
    البرغي لا يطلقه إلاّ الخبثاء وهو على دفعات وقليل الجرعة بتضلّك تزت
    براغي صغيرة ومع الوقت بتتجمع عند مديرك إنو فلان الفلاني عليه مشاكل
    كثيرة ولازم نأدبو وهيك إنتا بتكون كإنك ما عملت إشي – تراكمات يعني –
    وهادا برغي مضمون النجاح وقد أثبت فاعليته عند الشباب الطيبة
    هههههههههههههههههه
    عنجد مضمون %100
    مشكور محيو على انواع البراغي







    ♥♥♥♥(((زائر)))♥♥♥♥


      الوقت/التاريخ الآن هو السبت أكتوبر 21, 2017 3:19 pm