منتديات ريحانة القلب


    مع احترامي الشديد للحماصنة .....شوية نكت

    شاطر

    ashraf
    ريحان مجتهد روداج
    ريحان مجتهد روداج

    الابراج : الاسد
    الجنس : ذكر
    عدد المساهمات : 66
    العمر : 25
    مزاجي العام :
    تاريخ التسجيل : 08/06/2010
    أعلام الدول : سورية
    المهنة :
    تاريخ الميلاد : 11/08/1992

    مع احترامي الشديد للحماصنة .....شوية نكت

    مُساهمة من طرف ashraf في الخميس يونيو 10, 2010 8:42 pm

    مع اني بعترف انو الحماصنة من الاذكياء بس هي النكت للضحك بس
    حماصنة




    قررت دمشق وحمص وحماه يبنوا جسر بين المحافظات التلاتة فكان
    على حمص مهمة الحديد وعلى دمشق الاسمنت وعلى حماه البلوك وبعد اسبوع من بناء الجسر انهار.. قالوا أهل الشام: يا خسارة راحوا الاسمنتات ... وقالوا أهل حماه : يا خسارة راحوا البلوكات .. أهل حمص قالوا : كويس يلي ما حطينا الحديدات كانوا راحوا هني كمان




    في واحد حمصي (
    ذكي شوي) قرر يلتحق بالحرس الجمهوري وبعد فترة صار من أحسن ضباط .. قرر رئيسو يبعتو عالمطار مشان يستقبل وفد صيني ...... وبلش يشرحلو شو بدو يساوي بالاستقبال ويقللو: بس ينزل رئيس الوفد بتحط المدفع وبتضرب ضربات قام قللو الحمصي: سيدي إذا صبتو من أول ضربة كمل الباقي؟؟؟






    إخترع بعض العلماء جهاز لكشف الكذب قاموا وضعوا عليه الأميركي وسألوه : ما هو أخر إختراع سوف تخترعونه ؟ جاوب : نحنا عم نفكر نخترع صاروخ يوصلنا لأبعد المجرات...زمر الجهاز لانو عم يكذب.... فوضعوا رجل ياباني على الجهاز وسألوه نفس السؤال قام جاوب : نحنا عم نفكر نخترع موبايل يخلينا نحكي مع اهل المريخ .. زمر الجهاز..

    أخيرا وضعوا الحمصي وسألوه نفس السؤال .. قال : نحنا عم نفكر ... زمر الجهاز.






    كان في واحد حمصي ماشي بحمص شاف طابور طويل فاستغرب ! قام سأل آخر واحد بالطابور ليش واقف عالدور ؟ قللو ما بعرف شفت يللي قدامي واقف قمت وقفت وراه فسأل يللي قدامو قام جاوبو نفس الجواب وهييييييك لحتى وصل لعند أول واحد و سألو نفس السؤال ..قللو: والله أنا وقفت شوي حتى أربط شواطاتي قاموا صفوا الكل ورايي.... قللو: طيب مو ربطت شواطاتك و خلصت ليش ما بتروح ؟ جاوبو: ياحبيبي بدك ياني روح بعد ما صرت أول واحد بالدور؟




    واحد حمصي راح ليحضر مباراة كرة قدم طول الوقت كان عم يتطلع عالزاوية العليا ! قام سألو رفيقو ليش عم تطلع لفوق .. قللو الحمصي وين كلمة مباشر؟






    واحد حمصي وهوي ماشي شاف ناس عم يتسابقوا بالركض. سأل واحد واقف عم يتفرج: "شو القصة؟؟" قللو عم يتسابقوا والأول بياخود جايزة".. قام سألو الحمصي "طيب الباقيين ليش عم يركضوا؟؟"




    مرة واحد حمصي أكل 30 كف غدر




    مرة تنين حماصنة
    ماشيين بالشارع شافوا قسيس الكنيسة عم يعرج ! سألوه : خير يا أبونا شوباك ؟؟ قللون: مبارحة زحطت بالبانيو! قالولوا له له له سلامتك ...... وودعوه ... إلا أنو الحمصي سأل رفيقو وهوي مستغرب : دخلك شو هادا البانيو؟؟ قام قللو : شو بيعرفني شايفني مسيحي؟؟؟
    avatar
    زهرة الماضي
    مشرفة قسم الأنثوي
      مشرفة قسم الأنثوي

    الابراج : الثور
    الجنس : انثى
    عدد المساهمات : 1219
    العمر : 21
    الموقع : بالبيت
    العمل/الترفيه : كتابة الشعر
    مزاجي العام :
    تاريخ التسجيل : 02/12/2009
    أعلام الدول : سورية
    المهنة :
    مزاجي اليوم : أحب المفاجآت
    الهواية :
    تاريخ الميلاد : 27/04/1996


    أشراف ريحانة

    رد: مع احترامي الشديد للحماصنة .....شوية نكت

    مُساهمة من طرف زهرة الماضي في الأحد يونيو 13, 2010 11:16 am

    هههههههههههههههههههههههههههههههه هههههههههه
    هههههههههههههههههههههههههه
    هههههههههههههههههههههههههه
    على سيرة الحماصنة
    في واحد حمصي عملوا له فحص لحاله
    آم طلع التاني




      الوقت/التاريخ الآن هو الخميس ديسمبر 14, 2017 5:50 am